Millionnarça keşe aç kileş yoqlıy

Bu turıda Xalıqara Qızıl Xaç komitetınıñ Yaqın Könçığış süzçese belderde

1097161
Millionnarça keşe aç kileş yoqlıy

Yӓmӓndӓ 4 yıl buyı baruçı watandaşlar suğışı arqasında millionnarça keşe aç kileş yoqlarğa yata.

Xalıqara Qızıl xaç komitetınıñ Yaqın Könçığış süzçese Sara ӓl-Zevkari ildӓn 4 yıldan birle baruçı dӓwam itüçe watandaşlar suğışı hӓm tirӓnӓygӓn humanitar krizis arqasında millionnarça yӓmӓnleneñ aç kileş yoqlawın açıqladı.

Zevkari 27 million keşe yӓşӓgӓn ildӓ 22 million yӓmӓnleneñ humanitar yӓrdӓmgӓ moxtac buluın hӓm bolarnıñ kübeseneñ köndӓ ber tapqır ğına tuqlanuın belderde.

“Yӓmӓndӓ fӓlӓkӓt küzӓtelӓ. Bӓreleşlӓr azıq-tölek hӓm yağulıqqa bӓyӓlӓrne kütӓrde, çista su tabu da qıyınlaştı. Keşelӓr küp cirgӓ bara almıy. Yӓmӓnlelӓr awır şartlarda yӓşi. Millionnarça yӓmӓnle aç kileş yoqlıy,” – dide süzçe.

Könlek azıq-töleklӓren hӓm daruların ala almawçı şaqtıy yӓmӓnleneñ buluına iğtibarnı cӓlep itkӓn Zevkari Yӓmӓn xalqı kiçergӓn qayğı-xӓsrӓtlӓrne beterü öçen köçle sӓyӓsi tırışlıqlarğa ixtıyacnıñ buluın assızıqladı.

Soñğı waqıtta şaqtıy xalıqara oyışma Yӓmӓndӓ azıq-tölek krizisınıñ zurlığına iğtibarnı cӓlep itü öçen “ülemgӓ iltüçe açlıq fӓlӓkӓte” süzen qullana başladı.

BMOnıñ Bötendönya azıq-tölek yӓrdӓme oyışması ğomüm mödire Hose Graśiano da Sil’va 6nçı noyabrdӓge BMO utırışında “Yӓmӓndӓ tiñe bulmağan keşelek tragediyasen kürӓbez,” – dide.

İldӓ açlıq, xolera, bӓreleşlӓr hӓm hawadan höcümnӓrneñ barlıq awırlığı tınıç xalıq östenӓ töşӓ.


 



Bäyläneşle xäbärlär