Balalar qışın öysez
Ber million bala salqın qış ayların uramda uzdıraçaq
BMOnıñ Balalarğa yӓrdӓm kürsӓtü fondı YUNİSEF Tön’yaq Afrika hӓm Yaqın Könçığışta yaqınça 1 million balanıñ qışnı tışta uzdıraçağın citkerde.
YUNİSEF bӓreleşlӓr, keşelӓrneñ öylӓren taşlap kitülӓre hӓm êşsezlek kebek problemalarnıñ bu töbӓklӓrdӓ iñ küp balalarnı awır xӓldӓ qaldıruın belderde.
YUNİSEFnıñ Tön’yaq Afrika hӓm Yaqın Könçığış töbӓgennӓn cawaplı Geert Kappelare qışın balalarğa kirӓkle öy hӓm sıyınır urın tabu öçen alıp barğan êşçӓnleklӓrdӓ citdi matdi qıyınlıqlar belӓn oçraşuların citkerde hӓm aşığıç rӓweştӓ 33 million dollarğa ixtıyaclarınıñ buluın açıqladı.
Kappelare ber million tirӓse balanıñ yañğırlı hӓm salqın qış aylarına çatırlarda hӓm naçar yasalğan sıyınu urınnarında kerüen xӓterlӓtte.
YUNİSEF cawaplısı bu balalarnıñ naçar tuqlanuın, azıq-tölek hӓm sӓlamӓtlek saqlaw xezmӓtlӓrennӓn dӓ möhim ülçӓmdӓ faydalana almawın ӓytte.
YUNİSEF tarafınnan yasalğan açıqlawda fondnıñ bu qış Süriyӓ, Ğiraq, Yordaniya, Livan, Törkiyӓ hӓm Misırda 1 million 300 meñ balağa xezmӓt kürsӓtüne maqsat itüe belderelde.
