Gruziyada ilbaşı saylawı

Berençese 28nçe üktäbrdä uzdırılğan Däwlät başlığı saylawınıñ ikençe turı öçen tawış birülär cirle waqıt belän säğät 08:00dä başladı.

Saylaw ärcäläre il külämendä säğät’ 20:00dä yabılaçaq, annan soñ tawışlar sanalaçaq.

Gruziya (Görcestan) üzäk saylaw komissiyasınıñ internet säxifäsennän alınğan mäğ’lümatkä kürä, ildä 3 million 528 meñ 658 terkälgän saylawçı bar.

Saylawnı ber meñ 300 xalıqara oyışma küzätep tora.

Saylawnıñ berençe turında xökümäy yaqlawçı bäysez namzät Salome Zurabişvili 38,64% häm oppoziśiya koaliśiyasınıñ kandidatı Grigol Vaşadze 37,74% tawış alğan ide.