Meksika belän AQŞ çigendä kiyerenkelek

500 qaçaqnı qulğa alırğa mäcbür bulğannar

1095242
Meksika belän AQŞ çigendä kiyerenkelek
meksika-abd gocmenler1.jpg

Meksika êçke êşlär ministrlığı AQŞ çigen ütärgä mataşqan 500 qaçaqnıñ illärenä qaytarıp cibäreläçägen belderde. Alarnıñ “köç qullanıp” häm “qanunsız räweştä” Amerikağa ütärgä tırışuı assızıqlana. Älege törkemneñ saq astına alınuı äytelde.

Belderüdä äytelgänçä, qaçaqlar qanunlı migraśiyä qısalarınnan çığıp xäräkät itkän.  Monıñ citdi waqıyğalarğa yul açarğa mömkinlegen äytälär.

500 keşelek törkemneñ êçendä xatın-qızlar häm balalar da bar. Alar Tijuana şähäre yanında ike ilne ayırıp torğan çäneçkele timerçıbıq aşa ütärgä mataşqan.  Törkemgä AQŞ çik saqçıları küz yäşen çığaruçu gaz belän qarşılıq kürsätqan.

Bu ay başında meñnärçä qaçaqnıñ kilüe belän Tijuanadağı wäzğıyät’ kiyerenkelängän ide. Üzäk Amerikadan yulğa çıqqan migrantlar 4 meñ kilometrdan artıq aranı ütep şähärgä kerde. Alar Gonduras, Gvatemala häm Salvadordağı êzärlekläw, xäyerçelek häm dähşättän qaçuların äytä.

AQŞ ilbaşı mäxkämälär qarar birgängä qadär migrantlarnıñ barısın Meksika tarafında totaçağın belderde. Alar sıyınu ğarizalarınıñ qabul itelüen ozaq waqıt kötärgä mömkin.



Bäyläneşle xäbärlär