Tramp qaçaqlarğa yanıy

AQŞ ilbaşı Donal’d Tramp Üzäk Amerikadan kilüçe 7 meñ keşelek migrant konvoyınnan ber keşeneñ dä, mäxkämä röxsät birmiçä, ilgä kerä almayacağın belderde. Bu xaqta ul sośial’ çeltär aşa xäbär itte. “İlebezgä barı tik qanunlı bularaq kilüçelärgä röxsät biräçäkbez. Monıñ tışında “êläkter häm qulğa al” säyäsätebez bik köçle,”-dip yazdı Tramp. Ul migrantlarnıñ Meksikada qalaçağın äytte. Xätta, kiräge çıqsa, kön’yaq çiklären tulısınça yabaçaqların belderde. “AQŞnı distä yıllar faydalandılar, monnan soñ bu qıymmät häm xätär xälgä röxsät birü yuq,”-di Tramp.

Vaşington Post gazetı väbär itkänçä, Tramp idaräse Meksikada wazıyfasın başlayaçaq yaña xökümät belän kileşü tözergä omtıla. Anda AQŞqa sıyınırğa teläwçe qaçaqlarnıñ çik buyı iminlek xezmätkärläre tarafınnan dokument êşläre tögällängängä qadär Meksikada kötüe alğa sörelä.

Meksikanıñ tışqı êşlär ministrı kandidatı Olga Sançes monı kire qaqtı häm bernindi kileşü tözemäwlären äytte.