Çik buyındağı xärbilär qoralsız

Amerikada migrantlar konvoyın qarşı alu öçen tezelgän ğaskärlärneñ qoralsız buluın belderälär

1093165
Çik buyındağı xärbilär qoralsız

AQŞ saqlanu ministrı Djeyms Mattis Üzäk Amerikadan kilüçe migrantlarnıñ çik aşa ütüenä kirtä bulu öçen quyılğan xärbilärneñ qoralsız ikänen belderde. Ul bu xaqta matbuğat çaralarına söyläde. Mattis äytüençä, çik buyına çaqırtılğan xärbilär andağı iminlek xezmätkärlären bulırğa mömkin yanawlardan saqlıy. Çönki qaçaqlarnıñ AQŞqa ütep kerü öçen höcüm itü ixtimalı bar.

 BMO mäğ’lümatlarına qarağanda, Üzäk Amerikadan yulğa çıqqan migrantlar konvoyına 7 meñnän artıq keşe quşılğan. Alar arasında 2 meñ 300 bala buluın farazlıylar.

AQŞ ilbaşı Donal’d Tramp Pentagonnan çik buyına xärbilär kitertüne taläp itte. Alar 15nçe dekabr’gä qadär şunda bulaçaq.



Bäyläneşle xäbärlär