"Üterü ämeren prinśnıñ birüe" kön kebek açıq"...

Amerika üzäk küzläw oyışmasında Cämal Qaşıqçı üleme nisbätennän fiker berlege xökem sörä

1091754
"Üterü ämeren prinśnıñ birüe" kön kebek açıq"...

AQŞ däwlät departamentı wäkile Cämal Qaşıqçını üterü ämeren Soğud Ğaräbstanı täxet prinśı Möxämmät bin Sälmannıñ birüeneñ “kön kebek açıq” buluın äytte. Älege şäxes üz isemen äytmiçä genä ABC N’yus kanalına interv’yu birde. Ul AQŞ Üzäk küzläw oyışmasınıñ cinayät’ turındağı xisabın kürüen belderde.  Anın äytüençä, bu êştä Soğud liderınıñ qatışı buluı turında bik köçle fiker berlege bar häm monı berkem dä kire qaqmıy.

“Vaşington Post” gazetı xäbärendä CİAnıñ jurnalist Cämal Qaşıqçını üterü ämeren Soğud Ğaräbstanı täxete varisı birüe näticäsenä kilüe äytelä.

AQŞ ilbaşı Donal’d Tramp Üzäk küzläw oyışmasınnan älegä yomğaqlaw xisabın almawın, ämma däwlät särqatibe Mayk Pompeo häm küzläw oyışması wäkilläre belän bu mäs’älä xaqında söyläşäçägen beldergän ide.



Bäyläneşle xäbärlär