AQŞ belän mönäsäbätlär

Törkiyä tışqı êşlär ministrı Mäwlet Çavuşoğl ike aradğı kiyerenkelekneñ säbäplären atadı

1090014
AQŞ belän mönäsäbätlär

Törkiyä tışqı êşlär ministrı Mäwlet Çavuşoğlu 10nçe noyabr’dä Vaşingtonda AQŞ däwlät särqatibe Mayk Pompeo belän küreşep, ike il arasındağı mönäsäbätlär xaqında fiker alışaçaqların söyläde.

Ministr N’yu-Yorkta Berläşkän Millätlär oyışması mädäniyätlär ittifağınıñ 8nçe dön’yaküläm forumında qatnaşu öçen Amerikağa kitte. Ul, andağı çaraları qısalarında, Törkiyäneñ N’yu-Yorktağı konsullığında törek cämäğat’çelege belän oçraştı. Söyläşüdä Çavuşoğlu AQŞ belän mönäsäbätlärgä bäyä birde.  “Bezneñ möhäsäbätlärebezne kiyerenkeläştergän ike mäs’älä bar. Bolardan berse - AQŞnıñ Süriyädä terrorçı oyışma YPG/PKKğa yärdäm itüe. Ber ük oyışma buluın belüe häm qabul itüenä qaramastan, bu xezmättäşlegen zaruri kürüe, çınnan da, zur xata,”-dide ul.

Ministr Münbiçtä kileşengän yul kartasın ğamälgä aşırırğa tırışuların, urtaq patrul’ ütkärülären, ämma bu yul kartasınıñ barı tik Münbiç belän genä çiklänmäwen belderde. Anıñ äytüençä, Färatnıñ könçığışında YPG/PKK tarafınnan basıp alınğan töbäklärdä totrıqlılıq urnaştıru da bu kartanıñ ber öleşe.  

İke arada kiyerenkelek tudırğan tağın ber mäs’älä - Fätxullaxçı terrorçı oyışması. AQŞ Törkiyäneñ Fätxullax Gülänne qullarına tapşıru taläben ütämi. “Soñğı waqıtlarda FBİ Fätxullaxçı terrorçı oyışmasınıñ Amerikadağı qanun bozuların tikşerä başladı. Kiñ külämle soraştıruda bu terrorçı oyışmanıñ törle ştatlarda Amerika qanunnarın bozuı, banklarda xärämläşüe, salımnardan qaçuı häm keşelärne qullanuın kürä başladılar,”-di Çavuşoğlu.

Mädäniyätlär ittifaqı 8nçe dön’yaküläm forumına kilsäk, ul 19nçı-20nçe noyabr’dä N’yu-Yorkta BMO ğomum särqatibe Antonio Guterriş citäkçelegendä ütäçäk. Mäwlet Çavuşoğlu anda çığış yasayaçaq. Anıñ Guterriş belän oçraşuı da kötelä.



Bäyläneşle xäbärlär