İnterpol' başlığı saylanaçaq

87nçe İnterpol’ ğomüm şurası cıyılışı Dubaida uzaçaq

1089827
İnterpol' başlığı saylanaçaq

Xalıqara poliŝiya oyışması İNTERPOLnıň yaňa başlığı yӓkşӓmbe başlanaçaq ğomüm şuradağı saylawda bilgele bulaçaq.

87nçe İnterpol’ ğomüm şurası cıyılışı 18-21 noyabr’ könnӓrendӓ Dubaida uzaçaq.

Cıyılışnıň töp kön tӓrtibe matdӓse İnterpol’ başlığı saylawı bulaçaq.

İnterpolneň êlekke başlığı Qıtaylı Hongwei Meng ilendӓ saq astına alınğaç wazifadan kitkӓn ide. Anıň urını öçen Kön’yaq Koreya, Rusiyӓ Federaŝiyase hӓm Kön’yaq Afrika namzӓtlӓre köç sınaşaçaq.

Cıyılışta ayıruça Kosova, Vanuatu hӓm Kiribatineň İnterpolğa ӓğzalek mörӓcӓğatlӓre tawışqa quyılaçaq.

Bu illӓr dӓ quşılğan oçraqta 195 ӓğzase bulaçaq İnterpol iň zur xalıqara oyışmağa ӓylӓnӓçӓk.

 



Bäyläneşle xäbärlär