Kaliforniyä tarixındağı iñ ülemçel yanğın

Anda ülüçelär sanı 66ğa citte

1089033
Kaliforniyä tarixındağı iñ ülemçel yanğın

AQŞnıñ Kaliforniya ştatında däwam itüçe urman yanğınnarında ülüçelärneñ sanı 66ğa citte. Täwlek êçendä tağın 7 keşeneñ cansız gäwdäsen tapqannar. Monnan tış, 631 keşedän xäbär yuq.

Kaliforniyäneñ tön’yağında däwam itüçe häm yaqınça 570 kvadrat kilometrğa cäyelgän yanğın 11 meñnän artıq binanı da yuqqa çığardı.

Ştatnıñ kön’yağında isä yaqınça 450 öy kölgä äylände. Alar arasında böten dön’yağa bilgele Gollivud yoldızlarnıñ yortları da bar.

Aq Yort ilbaşı Donal’d Trampnıñ şimbä könne Kaliforniya ştatın zıyarät itep, yanğınnan zarar kürüçelär belän oçraşaçağın belderde.



Bäyläneşle xäbärlär