“Libermannıñ kitüe – Ğazzäneñ säyäsi ciñüe”

“Hamas” süzçese Sami Äbu Zuhri “Twitter”dan yasağan belderüendä: "Libermannıñ wazıyfasınnan kitüe – nıq torışı belän yawlap aluçılarda säyäsi zilzilä buldıruda uñışlı bulğan Ğazzäneñ säyäsi ciñüe”, - dip äytte.

Äbu Zuhri wazıyfadan kitüneñ ayıruça “ciñelüneñ açıp salınuı häm Fälästin qarşılıq kürsätüe aldında aptırağanlıqnıñ çağılışı” buluın belderde.

İzrail saqlanu ministrı Avigdor Liberman partiyası “İzrail öyebez” (Yisrael Beiteinu) xezmätkärläre belän ütkärgän cıyılıştan soñ oyıştırğan matbuğat oçraşuında wazıyfasınnan kitüen citkergän ide.

Xökümätneñ Ğazzä säyäsäten kisken räweştä tänqitläwçe Liberman: "(Fälästinle törkemnär belän İzrail arasında kiçä täêmin itelgän) utnı tuqtatu terrorçılarğa birelüdän başqa ber mäğnägä turı kilmi”, - dip äytkän ide.