Äfğanstanda Taliban höcümnäre

Terrorçı oyışma xärbilär häm poliśiyäne maqsat itep ala

1086391
Äfğanstanda Taliban höcümnäre

Äfğanstanda Taliban suğışçıları höcümendä 25 keşeneñ ğomere özelde. Ülüçelärneñ 10sı xärbi. Waqıyğa Gaznä töbägeneñ Caguri rayonında buldı. Töbäkneñ İminlek idaräse süzçese Äxmät Xan Sirat beldergänçä, höcümdä 14 keşe yaralanğan. Waqıyğa urınına küp sanda östämä quätlär cibärelgän.

 Gaznä şurası wäkile Xalikdad Akbari isä höcümdä 27 xärbineñ ğomere özelüen xäbär itä. Ul ğadi xalıq arasınnan ülüçelärneñ 20dän artıq buluın äytä. Akbari töbäktä citärlek däräcädä iminlek saqçısın bulmawın da assızıqlıy.  

Talibannıñ belderüendä höcüm näticäsendä 5 iminlek idaräseneñ qulğa töşerelüe, 22 xärbineñ üterelüe söylänä.   

İlneñ başqalası Kabulda da höcüm buldı. Anda mitingqa çığuçılar arasında beräw üzen şartlatqan. Berençel mäğ’lümatlar buyınça, 6 keşeneñ ğomere özelgän.



Bäyläneşle xäbärlär