Duryan cimeşeneñ ise oçqıçnı kiçekterde

İndoneziyada älege cimeşne töyägän oçqıçta ğawğa çıqtı

1083452
Duryan cimeşeneñ ise oçqıçnı kiçekterde
duryan meyvesi1.jpg

Kön’yaq-könçığış Aziyada “cimeşlärneñ patşası” dip ataluçı duryannıñ awır ise İndoneziyada ber oçqıçnıñ totqarlanuına säbäp buldı. Sumatra utrawındağı aêroportta yaqınça 2 tonna älege cimeşne töyägän oçqıç Djakartağa yul alırğa tiyeş ide. Sası is salonğa tarala. Yulçılar zarlana başlıy. Qayberäwlär cimeşneñ bik küp buluı arqasında yökneñ tiyeşennän artuına borçıluın belderä.  Yulçılar belän aêroport wäkilläre häm êkipaj arasında tartqalaşu kilep çığa. Axırdan cimeşlärne oçqıçtan çığarırğa rizalaşalar. Oçqıç 1 säğat’lek kiçegü belän hawağa kütärelä.

Duryan Aziya illärendä “cimeşlärneñ patşası” dip yörtelä. Qayber töbäklärdä anı “cännät häm cähännäm cimeşe” dip atıylar. Çäneçkele qabığı häm naçar ise - cähännämgä, täme häm faydası - cännätkä oxşatıla.

Kön’yaq-könçığış Aziya illäreneñ qayberlärendä, awır ise säbäple, bu cimeşne ictimağıy urınnarğa, transportqa häm aêroportlarğa kertü tıyıla. Anıñ ise bina êçennän 3 köngä qadär cillänep betmäskä mömkin.



Bäyläneşle xäbärlär