Kamerunda urlanğan keşelär

Ber törkem keşe xristian mäktäbenä bärep kerep, 81 keşene üze belän alıp kitkän ide

Kamerunda urlanğan keşelär

Kamerunda mäktäptän urlanğan 81 keşe qotqarıldı. Êlegräk 78 uquçı häm 1 maşina yörtüçeneñ irekkä cibärelüe, mäktäp direktorı belän 1 uqıtuçınıñ äle haman totıq buluı äytelgän ide. Soñınnan Bamenda şähärendä oyıştırılğan xärbi operaśiyädä barısınıñ da qotqarıluı açıqlandı. Cirlektä xezmät itüçe ğaskäri berämlek komandirı Aga Robinson beldergänçä, urlaw oçrağınnan soñ xärbilär şöbhälelärne êzärlekli başlağan. Totıqlar bulğan urınnı qamağannar.   

Waqıyğa ilneñ inglizçä söyläşüçe Anglofon töbägendä buldı. Ber törkem keşe xristian mäktäbenä bärep kerep, 81 keşene üze belän alıp kitte. Alarnıñ 78e 11-17 yäş’ arasındağı bala, 3se xezmätkär. Urlawçılar mäktäpneñ yabıluın taläp itte.

Kamerunnıñ cirle matbuğat çaralarında çıqqan xäbärlärgä qarağanda, urlaw oçrağın älegä üz östenä aluçı yuq.



Bäyläneşle xäbärlär