Kamerunda 79 bala urlandı

Balalarnı urlağan törkem mäktäpneñ yabıluın teli

Kamerunda 79 bala urlandı

Kamerunda ber missioner mäktäpkä bärep kergän kemlege bilgesez keşelär 79 uquçını häm 3 xezmätkärne urladı. Balalarnıñ yäş’läre 11 belän 17 arasında. Urlanğan xezmätkärlär arasında isä mäktäp direktorı da bar.

Älege xäl ilneñ kübesençä inglizçä söyläşüçe tön’yaq-könbatış töbägendä bula. Mäktäp xristian presviteriannarnıqı. Şuna kürä dä bärep kerüçelärneñ êkstremistlar buluın uylıylar.  

Waqıyğadan soñ üzlären “Amba ulları” dip atawçı törkem sośial’ çeltärdä video urtaqlaştı. Anda urlanğan balalarnı kürsätälär. Uquçılar kamerağa qarap üzläreneñ häm äti-äniläreneñ isemnären äytä. Qorallı keşelär balalarnıñ êş betkännän soñ irekkä cibäreläçägen belderä.

Videonıñ çın buluı älegä raslanmadı. Qayber ğailälär sośial’ mediyada balaların tanuların xäbär itte.

Kamerundağı Presviterian çirkäweneñ baş ruxaniye Samuêl’ Fonki Forba balalarnı urlağan törkemneñ aqçalata yolım taläp itmäwlären, barı tik mäktäpneñ yabıluın teläwlären belderde.  



Bäyläneşle xäbärlär