İñ ülemçel diñgez

bıyıl  Urta diñgezdä ğomere özelüçe qaçaqlar sanı 1 meñ 989

1082784
İñ ülemçel diñgez

Bıyıl 2 meñ qaçaq Urta diñgez arqılı Awrupağa kitärgä mataşqanda ülde. Xalıqara migraśiyä oyışması beldergänçä, bu yuldan qıytğağa barıp citüçelärneñ sanı 100 meñnän artıq. Oyışmanıñ süzçese Djoêl Millman BMOnıñ Jeneva ofisında matbuğat cıyılışında çığış yasadı. Anıñ äytüençä, 2018nçe yılda Awrupağa kitkän qaçaqlarnıñ yaqınça 50 meñe İspaniyägä, 27 meñe Greśiyägä, 22 meñe İtaliyägä barıp urnaşqan.

Bäxet êzläp barğanda bıyıl  Urta diñgezdä ğomere özelüçelär sanı 1 meñ 989.

Süzçe Millman uzğan yıl şul uq çorda Awrupağa kilüçe qaçaq sanınıñ 155 meñ buluın, 2 meñ 960ınıñ ülüen xäterlätte.

 BMOnıñ yuğarı komissariatı süzçese Çarli Yaksli isä, bu atnada İspaniyäneñ Melilla yarlarına yaqın urında ber köymädäge 13 keşeneñ ülüen söyläde. Ul Urta diñgezneñ dön’yada migrantlar öçen soñğı yıllarda iñ ülemçel xälgä kilüen assızıqladı.



Bäyläneşle xäbärlär