Xökümät räise öyendä suiśid
Matin’onda xezmät itüçe ber saqçı üz-üzenä qul saldı
1081925
Franśiyädä xökümät başlığının räsmi rezidenśiyäse Matin’onda xezmät itüçe ber saqçı üz-üzenä qul saldı. Waqıyğa irtänge yaqta bula. 45 yäşendäge saqçı bilgesez säbäplär arqasında qulındağı qoralı belän üz-üzenä ata.
Xökümät räise Êduard Filippe räsmi säfär belän Yaña Kaledoniyädä ide. Ul waqıyğa belän bäyle belderü yasap, märxümneñ ğailäse häm yaqınnarınıñ qayğısın urtaqlaştı.
İke bala ätise bulğan saqçınıñ üz-üzenä qul saluı säbäplären tikşerälär.
Franśiyädä poliśiyä häm jandarmeriya xezmätkärläreneñ suiśid oçraqları rizasızlıq çaralarına kiterde. Uzğan yıl il külämendä 68 iminlek saqçısı xezmät urınında üz-üzenä qul salğan.