Braziliyäneñ Tel’-Avivtağı ilçelegen Qudüskä küçerü

Fälästin tışqı êşlär ministrı Riyad äl-Maliki Braziliyäneñ Tel’-Avivtağı ilçelegen Qudüskä küçerü uyınnan kire qaytarırğa tırışuların belderde. İlneñ ilbaşı saylawlarında ciñgän Jair Bolsonaru wazıyfasına 1nçe ğıynvarda kereşäçäk. Maliki anıñ fikeren üzgärtü öçen waqıtları buluın äytä. Monıñ öçen Fälästin plan xäzerlägän. Anı ğaräp, möselman häm xristian platformalarınnan tış, cirle, xalıqara däräcädäge idarä mexanizmnarı belän berlektä tormışqa aşırırğa telilär.  

Bolsonaru pänceşämbe könne yasağan çığışında: “Êlegräk tä kampaniyäbezdä äytkän şikelle, Braziliyä ilçelegen Tel’-Avivtan Qudüskä küçerergä planlaştırabız. İzrail’ suveren däwlät häm monı xörmät itäbez,”-dide.