İtaliyada yılğa taştı

İtaliyaneñ kön’yağındağı Siśiliyadӓge ber yılğanıñ taşuı nӓticӓsendӓ barlıqqa kilgӓn su basuda 10 keşeneñ ğomere özelde.

Siśiliya cirleklӓrendӓge ber yılğa köçle yawım-töşemnӓr arqasında taştı. Yılğa yarındağı şaqtıy öy su astında qaldı, kim digӓndӓ 10 keşe yaqtı dönyadan kitte, 2 keşe yuğaldı.

Töbӓktӓ yuğalğan 2 keşene êzlӓw êşçӓnleklӓre dӓwam itӓ.

İke kön êlek yasalğan açıqlawda ildӓ ber atna buyı küzӓtelüçe dawıl kiterep çığarğan su basu hӓm cir şuışularında ülüçelӓr sanınıñ 18gӓ citüe belderelgӓn ide.

Siśiliyadӓge su basu afӓtendӓ ülüçelӓr belӓn bar ildӓ su basuda ğomere özelüçelӓr sanı 28gӓ citte.