36 yıl êlek bulğan cinayät’ öçen - 1 million dollar

Avstraliyädä 1982nçe yılda yuqqa çıqqan ike balalı xatın turında mäğ’lümat birüçegä aqçalata büläk ışandırdılar

1080312
36 yıl êlek bulğan cinayät’ öçen - 1 million dollar

Avstraliyäneñ Yaña Kön’yaq Uêl’s töbäge 1982nçe yılda bulğan ber cinayät’ turında mäğ’lümat birüçegä 725 meñ Amerika dolları külämendä büläkläw ışandırdı.

Älege waqıyğa Val’gett şähärendä bula. İke bala änise Rokslin Bowi öyennän çığıp kitkännän soñ suğa töşkändäy yuq bula. Anı ozaq êzlilär. Soñınnan töbäk prokuraturası, mäyete tabılmasa da, Bowinı cinayät’ qorbanı bularaq belderde. Ämma älege xatın-qıznıñ yaqınnarı döreslektän waz kiçmäde. Anıñ üterelüe turında mäğ’lümat birüçe büläklänäçäk. Töbäkneñ poliśiyä häm ğadättän tış xällär ministrı Troy Grant beldergänçä, bu qararnı tikşerüçelärneñ êşen ciñeläytü öçen çığaralar. “Êlekkege poliśiyä xezmätkäre bularaq keçkenä genä mäğ’lümatnıñ da tikşerü törkemenä yärdäm itäçägen beläm. Zıyan kürüçeneñ ğailäse häm cämäğat’çelek sorawlarğa cawap häm ğadellek tabıluın teli,”-dide ul.

Bowinıñ qızı Brenda Boyd büläkneñ cinayät’ belän bäyle mäğ’lümatqa iyä buluçılarğa qıyulıq östäyäçägenä ömetlänüen äytte. “Tuğan könnär, yallar häm bäyrämnär 36 yıldır änisez ütte. İr tuğanım Uorren wäfat buldı. Qızğanıçqa, ul yaratqan äniyebezgä närsä buluın berqayçan da belmäyäçäk,”-di Brenda.  



Bäyläneşle xäbärlär