Paqıstanda protestlar

Paqıstanda İslam dine hӓm Möxӓmmӓd pӓyğambӓrne mısqıllawı dӓğwası belӓn ülem cӓzasına tartılğan Asya Bibineñ Konstituśion mӓxkӓmӓse tarafınnan irekkӓ cibӓrelüennӓn soñ başlanğan çaralar dӓwam itӓ.

Rizasızlıq belderüçelӓr Bibi hӓm qararnı alğan sud’yalarnıñ ülem cӓzasına xökem itelüen talӓp itӓ.

Tahrik-i Lebbeyk Paqıstan törkeme oyıştırğan protest çaraları arqasında ilneñ zur şӓhӓrlӓrendӓ tormış tuqtap qaldı diyӓrlek.

Ayıruça Pencap vilayӓte başqalası Laxorğa kerep-çığu yulların yapqan protestçılar Karaçi hӓm İslamabadka baruçı avtoyullarda da yul xӓrӓkӓten tuqtattı.

Konstituśion mӓxkӓmӓse başlığı Mian Sakıb Nisar qabul itelgӓn qararnı yaqlap: “Dӓlil yuq ikӓn, ber keşene niçek ülem cӓzasına xökem itӓ alabız? Min hӓm sud’yalar Möxӓmmӓd pӓyğambӓrne yaratabız hӓm xörmӓt itӓbez. Lӓkin bez möselmannarnıñ sud’yası tügel,” – dide.

Êlekt tӓ İslam dine hӓm Möxӓmmӓd pӓyğambӓrne mısqıllawı belӓn ğayeplӓngӓn Paqıstanlı xristiyan Asya Bibi 2009 yıldan bügengӓ qadӓr törmӓdӓ utıra ide.

53 yӓşlek Bibi öçen 2010 yılda başta cirle mӓxkӓmӓ, 2014tӓ Laxor yuğarı mӓxkӓmӓse ülem cӓzası qararın birgӓn ide.

Konstituśion mӓxkӓmӓsendӓ qaralğan aqlaw êşendӓ dӓ Bibineñ ülem cӓzası ğamӓldӓn çığarıldı hӓm irekkӓ cibӓrelüenӓ qarar birelgӓn ide.