Terrorçılar 8 xatın-qız häm 1 bäbäyne urladı

Boko Xaram terrorçı oyışma Kamerunda ber awılğa höcüm itte

Terrorçılar 8 xatın-qız häm 1 bäbäyne urladı

Boko Xaram terrorçı oyışması äğ’zaları Kamerunda 8 xatın-qız häm 1 bäbäyne urladı. İlneñ mäğ’lümat çaralarındağı xäbärlärgä qarağanda, terrorçılar Mayo Moskota şähärenä yaqın Vourkaza awılına höcüm itkän. Alar toraq punktqa bärep kerep hawağa ata başlağan, xalıqnı qurqıtqan. Şul arada 9 keşene urlap kitkännär.   

Xärbilär alarnı êzläw öçen êşçänlek başlağan.

Boko Xaramnıñ soñğı könnärdä Çad küle basseynına kerüçe cirleklärdä oyıştırğan höcümnärendä 40 keşeneñ ğomere özelde. Älege oyışma 2000nçe yıllarda Nigeriyada üzen kürsätä başladı. 2009nçı yıldan alar massaküläm üterü çaraları oyıştıra. Alarda 20 mennän artıq keşeneñ ğomere özelde.



Bäyläneşle xäbärlär