Friedman: “İzrail – AQŞnıñ zur qardäşe”

Amerika Quşma Ştatlarınıñ İzrail tulı wäqalätle ilçese David Friedman üzeneñ İzrailne yaqlawdan tartınmawçı uñçı berse buluın äytte

1075390
Friedman: “İzrail – AQŞnıñ zur qardäşe”

İzrail Tel-Avivtağı Tön’yaq Amerika yähüdi federaśiyäseneñ ğomum şurasında çığış yasawçı Friedman Amerika Quşma Ştatları häm yähüd diasporasınıñ İzrail belän bulğan mönäsäbätlärenä qağılışlı açıqlawlar yasadı.

İzrail belän yähüd diasporası arasındağı kileşmäwçänlekneñ berqayçan da betmäyäçägen belderüçe Friedman: "Ägär maqsatıbız şuşı kileşmäwçänlekne beterü ikän, ul çaqta, minemçä, monda monnan başqa başqaraçaq tağın da yaxşı êşlärebez bar”, - diyep, kileşmäwçänlekneñ çişeleşe öçen kürsäteläçäk tırışunıñ äräm bulaçağın añlattı.

Diasporadağı qayber yähüd oyışmalarınıñ İzrailneñ fälästinlelärgä qarşı qullanğan qırıslıqnı tänqitläwenä (tänqıyt’läwenä) tuqtalıp uzuçı Friedman: "Bez diasporadağılar İzrailgä xozur birergä tiyeş. Här il tınıçlıqnı häm iminlekne saqlaw belän keşe xoquqları häm sośial’ ğadälät mäs’äläsendä tigezlek, balans totarğa mäcbür”, - dip äytte.

Här platformada İzrailgä bulğan yaqlawın açıq räweştä telgä aluçı Friedman kiçäge çığışında da: "Min İzrailne yaqlawdan tartınmawçı uñçı berse. Min şuşındıy”, - dip äytte.

Friedman iñ küp yähüd xalıq sanına iyä il bulğan İzrailneñ monnan arı Amerika Quşma Ştatlarınıñ keçkenä tügel, zur qardäşe buluın assızıqlap äytep uzdı.

Çığışı belän yähüd bulğan David Friedman İzrailneñ yaña bistälären saluın häm Amerika Quşma Ştatları ilçelegeneñ Qudüs-Yerusalimgä küçertelüen yaqlawı belän bergä İzrail belän bik yaqın mönäsäbätlärgä iyä şäxes bularaq belenä.



Bäyläneşle xäbärlär