Êfiyopiyädä täwge xatın-qız ilbaşı
Parlament berdäm tawış belän täcribäle diplomat Saxle-Vork Zevdenı sayladı
Êfiopiyä tarixında täwge tapqır ilbaşı xatın-qız buldı. Şunısı da iğ’tibarğa layıq, ildä kabinetnıñ yartısın güzäl zatlar täşkil itä.
Êfiopiyä federal parlamentı başqala Addis-Abebada uzdırğan utırışta 5 yıl däwlät başlığı bulğan Mulatu Teşomenıñ wazıyfadan kitü ğarizasın qabul itep, anıñ urınına berdäm tawış belän täcribäle diplomat Saxle-Vork Zevdenı sayladı. Moña qadär ul BMO ğomum särqatibe apparatında êşläde. Zevde üz ilen êlegräk Senegal, Djibuti häm Franśiyädä ilçe bularaq wäkillek itte.
Xökümät räise Abiy Äxmät yaqınça ber atna êlek yaña ministrlar kabinetın atadı. Anda känäfilärneñ yartısı xatın-qızlarğa tapşırıldı.
Êfiopiyadä ilbaşı wazıyfası simvolik mäğ’nägä iyä. Anı 6 yıl sayın parlament saylap quya.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı