Floridanı ğarasattan soñ talawçılar basıp aldı

Amerika Quşma Ştatlarında Maykl ğarasatı bärgän kön’yaq-könçığış ştatlarında yäşäwçelär xäzer qorallı talawçılar belän köräşä. Qaraqlar ber atna êlek tabiğıy qaza arqasında xucaları êvakuaśiyälängän häm êlektr utsız qalğan öy häm êş cirlärenä kerä.

Florida şerifı Djimmi Stenford töbäktä yaqınça 10 talawçını êläkterülären belderde. Anda yäşäwçelär qaraqlardan qotılu öçen törle urınnarğa “Talawçılarğa ataçaqbız” dip yaza başladı.   

Maykl ğarasatında ülüçelärneñ sanı 26 dip belderdelär. Tabiğıy afät waqıtında töbäktän meñnärçä keşe êvakuaśiyälände. Alar öylärenä kire qaytu öçen êzläw -qotqaru êşläreneñ tämamlanuın kötä.

Kaliforniyädäge mäğ’lümat üzäge beldergänçä,  Maykl ğarasatınnan kilgän zıyan 4 miliard yarım dollar bulırğa mömkin.

Bu Floridada da sonğı yılda kürelgän iñ dähşätle ğarasat sanala.