Tramp Soğud Ğaräbstanına ministrın cibäräçäk
Yuğalğan jurnalist Cämal Qaşıqçını êzläw däwam itä
1069137
AQŞ ilbaşı Donal’d Tramp yuqqa çıqqan jurnalist Cämal Qaşıqçı waqıyğasın açıqlaw öçen Däwlät särqatibe Mayk Pompeonı Soğud Ğaräbstanına cibäräçägen belderde. Monı ul Twitter aşa xäbär itte. Tramp Soğud Ğaräbstanı patşası Sälman Abdulaziz belän telefon aşa Qaçıqçı mäs’äläsen söyläşüen äytte.
“Patşa Soğud Ğaräbstanı watandaşına närsä buluı turında bernindi mäğ’lümatı bulmawın söyläde. Ul waqıyğalarğa açıqlıq kertü öçen Törkiyä belän yaqınnan êşçänlek alıp baruların assızıqladı,”-dide AQŞ ilbaşı.