Skripal’ êşendä ikençe şöbhäleneñ iseme
Anıñ Rusiyä xärbi küzläw xezmäte GRUğa êşläwen yazalar
1065167
Angliyädä rus agentı Sergey Skripal’ belän qızı Yuliyäneñ ağulanuına cawaplı dip farazlanuçı ikençe şöbhäleneñ çın iseme Aleksandr Yevgen’yeviç Mişkin buluın alğa sörälär. Angliyäneñ xäbär säxifäse “Bellingkat” anıñ Rusiyä xärbi küzläw xezmäte GRUğa êşläwen yaza. İkençe ber xäbärdä Mişkinnıñ oyışmada xärbi tabib buluı uq äytelä.
Angliyä poliśiyäse êlegräk şöbhälelärne Ruslan Borişov häm Aleksandr Petrov bularaq beldergän ide. Soñınnan Borişovnıñ çınlıqta GRU polkovniğı Anatoliy Vladimiroviç Çepiga buluın açıqladılar. Bu xaqta Angliyä xökümäte räise Tereza Mêy da: “Poliśiyä açıqlağan 2 keşeneñ Rusiyä xärbi küzläw xezmäte GRUda êşläwe näticäsenä kildek,”-dip söyläde.
