"Törkiyӓ belӓn telӓktӓşlek êçendӓ bez"

Rusiyӓ Federaśiyase dӓwlӓt başlığı Vladimir Putin Süriyӓneñ İdlib töbӓgendӓ utnı tuqtatunıñ saqlanıluına qarağan Soçi kileşüe qısalarında Törkiyӓ belӓn telӓktӓşlek êçendӓ êşlӓwlӓren belderde.

Putin Sankt Peterburgtağı Êrmitaj muzeyında Awstriya prem’yer-ministrı Sebast’yan Kurś belӓn küreşeğp söylӓşkӓnnӓn soñ oyıştırılğan matbuğat oçraşuında Süriyӓdӓge wazğiyӓt belӓn bӓyle açıqlaw yasadı.

Süriyӓdӓ BMO iminlek şurasınıñ 2254 nomerlı qararı hӓm Astana barışında tӓêmin itelgӓn kileşülӓr nigezendӓ sӓyӓsi barışnıñ aktivlaşuın ömet itülӓren ӓytkӓn Putin monıñ Süriyӓdӓ normal’ tormış öçen kirӓkle şartlarnıñ barlıqqa kilüen nığıtaçağın açıqladı.

Putin İdlibtӓge wazğiyӓtneñ Törkiyӓ hӓm Rusiyӓ kürgӓn çaralar belӓn normallӓşӓ başlawın citkerde.

Putin tübӓndӓgeçӓ citkerde: “Törek partnyerlarıbız belӓn telӓktӓşlek êçendӓ êşlibez, bu kileşülӓrgӓ citdi qarawların, yöklӓmalӓren cirenӓ citkerülӓren, törle radikal’ törkem suğışçılarınıñ bu töbӓktӓn çığuına hӓm awır qorallarnıñ kire çigelüenӓ yӓrdӓmçe buluların kürӓbez. Bez dӓ üz yöklӓmӓlӓrne başqarıp, planlanğan êşçӓnleklӓrne bergӓ çınğa aşırunı dӓwam itterӓçӓkbez.”