Yämändä açlıq kontrol’ itä almaslıq xälgä kilde

Berläşkän Millätlär Oyışması qalqınu programması “Açlıq Yämänneñ çınbarlığı bulu aldında” dip kisätte.

Anda äytelgänçä, bu wäzğiyät’tä barlıq yaqlar üz östenä cawaplılıq alırğa tiyeş.

Yämändä legal’ xökümätne bärep töşergän husilär 2014 nçe yılnıñ sentyabrennän birle başqala Sana häm qayber töbäklärne üz kontrolendä tota.

Soğud Ğaräbstanı äydäp baruçanlığındağı koaliśiya köçläre 2015 nçe yılnıñ mart ayınnan birle Yämän xökümätenä yaqlaw kürsätä.

Berläşkän Millätlär Oyışması beldergänçä, watandaşlar suğışı däwam itkän Yämändä il xalqınıñ 75%ı,yäğ’ni 22 millionnan kübräk keşe yärdämgä moxtac.

İldä çista suğa ireşüdäge qıyınlıqlar, citärlek külämdä tuqlana almaw, daru häm mediśina kiräk-yaraqlarındağı citeşsezleklär arqasında xolera berençe çiratta bulu belän bergä bik küp awırular könnän kön arta bara.