Mäkkä - Mädinä tiz yöreşle poyezd liniyäse açıldı

Yaña liniyäneñ açılışın Patşa Sälman bin Abdülaziz yasadı

1056896
Mäkkä - Mädinä tiz yöreşle poyezd liniyäse açıldı

 

Mäkkä belän Mädinä arasında tiz yöreşle poyezd liniyäse açıldı.

Soğud Ğaräbstanında Yaqın Könçığışnıñ iñ zur transport proyektlarınnan berse  bulğan ,izge cirlärdä ğıybadät qıluçılarnıñ barıp qaytularnı ciñeläytäçäk Harameyn tiz yöreşle poyezd liniyäse tormışqa aşırıldı.

Soğud Ğaräbstanı xäbär agentlığı SPA beldergänçä,yaña liniyäneñ açılışın Patşa Sälman bin Abdülaziz yasadı häm ul açılıştan soñ Mädinägä baruçı poyezdğa utırdı.

Soğud Ğaräbstanı transport ministrı Näbil bin Möxämmäd äl-Amudi tiz yöreşle poyezdnıñ 5 tuqtalışı buluın belderde.

Alar: Mäkkä, Ciddä,Patşa Abdullah iq’tisad şähäre,Patşa Abdülaziz isemendäge xalıqara hawa mäydanı häm Mädinä.

Ministr äytüençä, liniyäneñ ozınlığı – 450 çaqrım. Tiz yöreşle poyezdnıñ yılda 60 million yulçığa xezmät kürsätüe kötelä.

Şulay itep avtobus belän 4 säğät’ däwam itkän yulnı tiz yöreşle poyezd belän 1 säğät’ 20 minutta uzu mömkin bulaçaq.



Bäyläneşle xäbärlär