Tuberkulyez - iñ qurqınıç awıru

Dönyadağı iñ qurqınıç, yoğuçı hӓm ülemgӓ iltüçe xastalıqnın tuberkulyez buluı açıqlandı.

Bötendönya sӓlamӓtlek saqlaw oyışması bu awıruğa qarşı aşığıç çaralarnı kürergӓ çaqırdı.

Oyışmanıñ internet sӓxifӓsendӓ urın alğan xisabına kürӓ tuberkulyeznıñ cӓyelüen buldırmawçı global’ çaralarğa qaramastan 2017dӓ genӓ 10 million keşe bu çirne yoqtırdı, aralarınnan 1 million 600 meñe yaqtı dönyadan kitte.

Urtaq tırışlıqlar yӓrdӓmendӓ 2000nçe yıldan bügengӓ qadӓr 54 million keşeneñ terelüe xӓterlӓtelde, yaña çir oçrağı sanınıñ hӓr yıl 2%ka azayuı belderelde.

Lӓkin tuberkulyez SPİDnı dauzıp, barlıq infekśiyalӓr arasında iñ qurqınıçı bulıp tora.

Oyışma tübӓn hӓm urta keremle illӓrneñ bıyıl ğına bu awırunıñ buldırılmawı hӓm dӓwalanu öçen 3 million yarım dollarğa ixtıyacnıñ buluın, çaralar waqıtında kürelmӓgӓn oçraqta da 2022 yılğa qadӓr bu miqdarnıñ ike tapqırğa arta alacağın belderde.

Oyışmadan yasalğan açıqlawda Rusiyӓdӓ tuberkulyezğa qarşı körӓşneñ aktivlaşuı yӓrdӓmendӓ çirlӓwçelӓr sanınıñ 5%, ülüçelӓr sanınıñ isӓ 13%ka azayuı citkerelde.