Hindstanda yaña bäla
57 keşe leptospiroz dip ataluçı yoğışlı awırudan ülgän
1050056
Hindstanda dähşätle yañğırlardan son barlıqqa kilgän su basu häm cir ubılular belän köräşüçe Kerala töbägendä yaña bäla. 1nçe avgusttan birle 57 keşe leptospiroz dip ataluçı bakterial’ awırudan ülgän.
Cirle matbuğat çarasındağı xäbärlärgä qarağanda, ülüçelärneñ dürtese xastalıqqa çik quyu öçen töbäktä çistartu êşläre başqarğan törkemnän.
Monnan tış, 700 keşe leptospiroz bilgeläre belän xastaxanägä yatqırılğan.
Xastalıqnıñ infekśiyälängän tıçqan yäki başqa kimerüçelärneñ sidege belän pıçranğan su çığanaqlarınnan yoğuı farazlana. Bilgeläre yuğarı temperatura, baş häm êç awırtuı, tirläw. Anıñ tağın da kübräk böyer häm bawır çirläre bulğan keşelärgä täêsir itüe bilgele.