Rusiyä Qıtay belän daimi räweştä xärbi öyränülär ütkäräçäk
Rusiyä saqlanu ministrı Sergey Şoygu Qıtay belän daimi räweştä xärbi öyränülär ütkäräçäklären belderde.
TASS xäbärenä qarağanda, Şoygu qıtaylı wazıyfadaşı Vêy Fênxê belän Vostok-2018 künegüläre ütüce poligonda oçraştı. Ul Rusiyä-Qıtay xärbi xezmättäşlegenä iğ’tibarnı cälep itep: “Şul räweşle daimi bularaq xärbi öyränülär uzdıru mäs’äläsendä kileştek,”-dide.
Fenxe dä ike ilneñ bu xezmättäşlegeneñ citez dä, strategik ta buluın belderde.
Vostok - 2018 Rusiyäneñ tarixındağı iñ kiñ cäyelgän xärbi öyränü. Anda 300 meñgä yaqın xärbi, meñnän artıq oçqıç, boralaq, keşesez hawa apparatı, 36 meñgä yaqın tank, bronetransport häm 80 tiräse korab qatnaşa.
Öyränülärgä Qıtay häm Mongoliya qorallı köçläre dä üz öleşen kertä.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
