Kongoda êbola kizüe

Kongo demokratik cömhüriyätendä êboladan 66 keşeneñ ğomere özelgän.

İlneñ sälamätlek saqlaw ministrlığı beldergänçä, iyül’ ayı azağında Tön’yaq Kivu vilayätendä başlanğan kizüdä qanlı bizgäk küzätelgän 142 keşedän 11eneñ êbola virusı yoqtıruı açıqlanğan.

Älege 111 keşedän tağın 7 seneñ ğomere özelgännän soñ êboladan ülüçelär sanı 66ğa citkän.

Êbola virusı yoqtırğannan soñ däwalanıp sawıqqan keşe sanı isä 38.

İldä 8 nçe avgustta başlatılğan êbolağa qarşı köräş kampaniyası qısasında 9 meñ 721 keşegä vakśina kertelgän.

İldäge tağın ber êbola kizüe Êkvator vilayätendä küzätelgän.

Kongo demokratik cömhüriyätendä 1976 nçı yılda kilep çıqqan êbola 2013 nçe yılnıñ dekabrendä Könbatış Afrikağa da taraldı.

Gvineya,Liberiya häm S’yerra-Leoneda 2014-2017 nçe yıllarda küzätelgän êbola kizüendä yaqında 30 meñ keşe virüs yoqtırğan häm 11 meñnän kübräk keşeneñ ğomere özelgän ide.