Tähran sammitı näticäläre BMO utırışında

İminlek şurası Törkiyä - Rusiyä - İran liderlarınıñ Tähran sammitı näticäläre turında söyläşü öçen cıyıla

1047222
Tähran sammitı näticäläre BMO utırışında

BMOnıñ İminlek şurası Süriyäneñ İdlib töbägendäge üzgäreşlär häm Törkiyä - Rusiyä - İran liderlarınıñ Tähran sammitı näticäläre turında söyläşü öçen cıyıla. Diplomatik çığanaqlardan alınğan mäğ’lümatlarğa qarağanda, monı Rusiyä taläp itkän. Ul şuranı İdlibtäge soñğı wäzğıyät’ belän tanıştırırğa teli.

Berläşkän Millätlär oyışması xäbär itkänçä, rejim belän Rusiyäneñ İdlib häm Hamağa hawa höcümnäre, artqan bäreleşlär säbäple soñğı ber atnada 30 meñnän artıq keşe cirennän küçenergä mäcbür buldı. Şulay uq, bik küp keşeneñ ğomere özelde.  

Süriyäneñ tön’yaq-könbatışında xärbi oppoziśiyä häm rejimğa qarşı qorallı törkemnärneñ kontrolendäge İdlib 2017nçe yılnıñ 4nçe-5nçe mayında uzğan Astana cıyılışında “kiyerenkelekne kimetü töbäge” bularaq iğ’lan itelde.



Bäyläneşle xäbärlär