Madagaskar stadionında waqiğa

Madagaskarda ber stadionğa kergän urında barlıqqa kilgän êteş-törteştä berençe mäğlümatlarğa kürä ber keşeneň ğomere özelde, 40 keşe yaralandı.

BBC xäbärenä kürä Afrika kuboğı matçlarında Madagaskar-Senegal uyını uzğan başqala Antananarivudağı stadionğa kergän urında keşelär qısıldı.

Meňnärçä futbol söyüçe stadionnıň berdänber qapqasınnan êçkä kerergä cıyınğanda barlıqqa kilgän êtü-törtüdä ber keşe ülde, 40 keşe yaralandı. 2 yaralanuçınıň xäle awır.

Afrikada mondıy küreneşlär yış küzätelä. Alar keşe törkemen kontrol’ itä almaw säbäple kilep çığa.

Uzğan yılnı Angolada 17, Malavidä 8 keşe stadionnarda keşelärneň êteşüennän yaqtı dönyadan kitte.