Êfiopiyadä 2011 yıl

Xalıq irtägä irtän 2011 yılğa ayaq basarğa äzerlänä

1046656
Êfiopiyadä 2011 yıl

Üzenä xas kalendar’ qullanuçı Êfiopiya xalqı irtägä irtän 2011 yılğa ayaq basarğa äzerlänä.

Yaňa yıl uňayınnan başqala Addis Ababanıň bazarları xäräkätlände, çirkäwlär, küňel açu urınnarı, restoran häm qunaqxanälärdä dä äzerleklär däwam itä.

Här yaňa yılda bulğanı kebek bıyıl da totqınnarnı yarlıqağan Êfiopiya citäkçelege xäzergä qadär yaqınça 9 meň totqınnıň yarlıqanuın citkerde.

İldä yaňa yıl başlanaçaq 11 sentäbr’ köne isä räsmi yal bulıp iğlan itelde.

Habäşä kalendare Êfiopiya xristiyannarı öçen dini kalendar bularaq qabul itelä.

Älege kalendardä 30 könnän toruçı 12 ay belän 5-6 köngä kübräk bulğan 13nçe ay bar.

Aňa kürä yaňa yıl här yıl 11 yäisä 12 sentäbr’ könne kilä.

Üzenä xas kalendar’ belän ber rättän ayırmalı säğat’ sisteması da qullanuçı Êfiopiyada kön 12 säğatlek ike öleştän tora.

12 säğatlek berençe säğat’ teleme irtänge 6da, ikençese isä kiçke 6da başlana.


Etiketlar: #Êfiopiya , #yaña yıl

Bäyläneşle xäbärlär