AQŞ tüntreleş turındağı süzlärne kire qaqmadı

Venesuêla tışqı êşläre ministrı Xorxe Arreaza Vaşington idaräsen “ildä tüntäreleş planı äzerläw häm xärbi oppoziśiyägä teläktäşlek kürsätü”dä ğayepläde

1046475
AQŞ tüntreleş turındağı süzlärne kire qaqmadı

AQŞ Venesuêlada üzeneñ yäşeren räweştä tüntäreleş planlaştıruı turındağı süzlärne kire qaqmadı.

Venesuêla tışqı êşläre ministrı Xorxe Arreaza Vaşington idaräsen “ildä tüntäreleş planı äzerläw häm xärbi oppoziśiyägä teläktäşlek kürsätü”dä ğayepläde. Aq Yort milli iminlek şurası süzçese Garrett Markus bu süzlärne turıdan-turı kire qaqmadı. Ul Venesuêlanı demokratiyägä kire qaytırğa çaqırdı. Anıñ äytüençä, AQŞnıñ bu mäs’älädäge säyäsäte üzgärmäde. Yäğ’ni bu êşneñ tınıç yul belän başqarıluın telilär. Süzçe Venesuêla xalqınıñ demokratiyägä çaqırularına qolaq saluların däwam itäçäklären belderde. “Venesuêlada naçarayğan wäzğıyät’kä däwamlı ber çişeleş barı tik demokratik prinśiplarğa turı kilüçe idaräçelekneñ, xoquq östenlegeneñ häm töp xaqlar, ireklärgä xörmätneñ yañadan torğızıluı belän genä mömkin,”-di ul.

 “N’yu-York Tayms” gazetında AQŞ idaräseneñ Venesuêlada yäşeren räweştä tüntäreleş xäzerläwe häm moña qayber baş kütärgän xärbilärne tartuı turında xäbär çıqqan ide. Şunnan soñ Venesuêla tışqı êşlär ministrı Xorxe Arreaza sośial’ çeltärdä belderü yasadı. Ul anda AQŞnıñ bu adımın kisken tänqıyt’läde.



Bäyläneşle xäbärlär