AQŞnıñ Venesuêlada tüntäreleş planı

Amerika Quşma ştatlarınıñ Venesuêlada tüntäreleş yasarğa äzerlänüe turında bäxäslär bar. Vaşington idaräse bu êşkä älege däwlätneñ oppoziśiyädäge xärbilären tartqan. Bu xaqtağı xäbär “The New York Times” gazetında çıqtı. Yazma qayber amerikalı wäkillär belän oçraşularda qatnaşqan êlekkege venesuêlalı komandirnıñ süzlärenä tayana. Ul Donal’d Tramp idaräseneñ tüntäreleş xäzerläwen söyli. Êlekkege komandir oçraşular waqıtında Venesuêla xökümäten bärep töşerü planı belän bäyle bik küp mäs’äläl xaqında fiker alışuların belderä. Ämma ber noqtada AQŞ idaräse “tüntäreleşneñ uñışqa ireşmäw” ixtimalın küzdä totıp älege yäşeren oçraşularnı tuqtata.   

Aq Yort wäkilläre mäs’älä belän bäyle sorawlarğa cawap birmägän. Xäbärdä AQŞ däwlät departamentınıñ soñğı çorda Venesuêlada Nikolas Maduro idaräsen maqsat itep alğan sankśiyä qararların küp çığaruına basım yasala.   

Tramp idaräse Maduronıñ 20nçe maydağı ilbaşı saylawında berençe turda ciñüeneñ “xäyläle” buluın alğa sörgän ide.