Qıtayda balalar artaçaq

Qıtayda xalıq sanın azaytu maqsatı belӓn 1979 yıldan bügengӓ qadӓr ğamӓldӓ bulğan ber bala sӓyӓsӓteneň 2016 yılda ike balanı röxsӓt itüennӓn soň xӓzer bötenlӓy beterelüe kön tӓrtibendӓ.

İldӓ kontrolsez xalıq sanı artışın hӓm azıq-tölek qıtlığın buldırmaw maqsatı belӓn 35 yıl buyı ğamӓldӓ bulğan ber bala sӓyӓsӓte betӓçӓk.

Qıtaydağı dӓwlӓt gazetı mӓs’ӓlӓ belӓn bӓyle tekst ölgeseneň qanunlaşa alaçağına işarӓt itte.

Monnan alda qabat tӓrtipkӓ salınğan ğailӓ planlaw qanunı cӓzalarnı ciňelyӓtep, ğailӓlӓrgӓ ike bala xoquqın tanığan ide.

Qararda Qıtay xalıq sanınıň könnӓn-kön qartayuı hӓm tudıra aluçı xatın-qızlarnıň azayu kritik rol’ uynıy.

Milli kongressnıň Daimi komitetı tarafınnan bu atnada qarala başlağan qanun ölgeseneň 2020 yılğa qadӓr tӓmamlanuı kötelӓ.