Franśuz ministr turıdan-turı êfirda wazıyfasınnan kitte

Tanılğan êkolog Nikolya Ulonıñ bu adımı Franśiya ilbaşı Êmmanuêl’ Makronnıñ qırlarda xaywannarnı awlaw tıyuların yomşataçağın beldergännän soñ yasaldı

1038922
Franśuz ministr turıdan-turı êfirda wazıyfasınnan kitte

Franśiyä êkologiyä ministrı Nikolya Ulo, klimat üzgäreşläre häm tirä-yaq moxit säyäsäte mäs’äläsendäge maqsatlarğa ireşüdä citärlek başqara almawın säbäp itep, wazıyfasınnan kitte. Bu qararın ul radiodağı turıdan-turı êfir waqıtında belderde. Ulo klimat üzgäreşlärenä qarşı toru, biologik törlelekne saqlaw häm tabiğat’kä yanawçı başqa naçar täêsirlärne azaytu yulında atqan adımnarınıñ näticäsez buluın söyläde. Bolardan cıyılğan küñel töşenkelege êştän kitü turındağı qararğa barırğa êtärgän.

Tanılğan êkolog Nikolya Ulonıñ bu adımı Franśiya ilbaşı Êmmanuêl’ Makronnıñ qırlarda xaywannarnı awlaw tıyuların yomşataçağın beldergännän soñ yasaldı.   

Ulo wazıyfadan kitü qararın älegä ilbaşına citkermäwen belderde. Belgeçlär bu adımnıñ ministrlar kabinetında üzgäreşlär çılbırına kiteräçägen häm Makron idaräsenä awır bäräçägen farazlıy.



Bäyläneşle xäbärlär