Rim papasın wazıyfasınnan kitärgä çaqırdılar

Papa Franśisknı dini uqu yortlarındağı balalarğa cinsi bäylänülärgä küz yomuda ğayeplilär

1038235
Rim papasın wazıyfasınnan kitärgä çaqırdılar

Vatikannıñ êlekkege Vaşington ilçese arxiyepiskop Karlo Maria Vigano Rim papasın wazıyfasınnan kitärgä çaqırdı. Ul papa Franśisknı dini uqu yortlarındağı balalarğa censi bäylänülärgä küz yomuda ğayepli. Vigano bu xaqta AQŞta bastırıluçı “Neyşnl Katolik Register” gazetasında bastırılğan 11 bitlek xatta yazdı.  Ul balalarğa censi bäylänülär arqasında uzğan ay wazıyfasınnan kitkän kardinal Teodor MakKarrik turındağı süzlärneñ papağa 2013nçe yılda uq ireşelüen belderde. “Papa Franśisk 2013nçe yılnıñ 23nçe iyünennän birle MakKarrik turında belä ide. Papa kardinalnıñ qırın êşlären qaplağan ruxanilarğa ürnäk kürsätü öçen wazıyfasınnan kitärgä tiyeş berençe keşe,”-dip yaza Vigano.  Ul katolik çirkäwe êçendä gomoseksual’ törkem buluın alğa sörä. Anıñ äytüençä, bu törkemnär yäşeren räweştä xäräkät itep ğayepsez qorbannarnı häm tulı ber çirkäwlärne bua.



Bäyläneşle xäbärlär