Ğıyraqta yaña koaliśiya tözü öçen täwge parlament utırışı

Ğıyraq ilbaşı Fuad Masum 12 nçe maydağı ğomum saylaw näticälären mäxkämä raslağannan soñ yaña koaliśiya xökümäteneñ qorıluı öçen berençe parlament utırışın 3 nçe sentyabr’dä ütkärü qararına kilgän.

Ğıyraqta 3 aylıq bäxäsle saylaw näticälärennän soñ ütkäreläçäk täwge utırışnı parlamentnıñ iñ olı yäş’täge xalıq ışanıçlısı Necefli häm Demokratik xärbi bulmağan koaliśiyadan Möxämmäd Ali Zani uzdıraçaq.

Ğıyraq prem’yer-ministrı Xäydär al İbadi uzğan atnada yaña xökümätneñ qorıluı öçen Masumnı Töp Qanunğa kürä 15 kön êçendä parlamentnıñ täwge utırışın ütkärergä çaqırğan ide.