"Äsäd rejimın xuplaw - zur xata"

Bu turıda Franŝiya däwlät başlığı Êmmanuêl’ Makron citkerde

1038427
"Äsäd rejimın xuplaw - zur xata"

Franŝiya däwlät başlığı Êmmanuêl’ Makron Süriyädä Bäşar Äsäd rejimın xuplawnıň zur xata bulaçağın äytte.

Makron franŝuz ilçelär belän ütkärgän cıyılışta açıqlawlar yasadı.

Franŝiya ilbaşı Äsäd rejimı ximiq qoral qullanğan oçraqta Süriyädä yaňa hawadan höcümnär oyıştırırğa äzer buluların citkerde.

Makron: “Minemçä Äsädne xuplaw - zur xata. Millonnarça keşene kem qaçaq itte? Üz keşelären kem üterde? Franŝiya kiläçäktäge Süriyä liderların bilgeli almas, läkin Süriyä xalqınıň monı başqara alacağına ışanu bezneň wazifabız” – dide.

Makron ayıruça Awrupa Berlegeneň iminlegen arttıru öçen yaňa täqdimnär yasıy alacağın belderep, monnan soň bu mäs’älädä Awrupanıň Amerika Quşma Ştatlarına ışanmaw zarurlığın belderde.

“Awrupa Berlege saqlanuı AQŞqa bäyle bulırğa tiyeş tügel,” – digän franŝuz lider Awrupanıň saqlanuı belän bäyle êşçänleklärneň qitğadağı barlıq illär belän Rusiyäne dä üz êçenä aluı kiräklegen belderep: “Awrupa monnan soň iminlege mäs’äläsendä AQŞqa tayana almıy. Awrupanıň iminlegen garantiya astına alu - bezneň êş,” – dide.



Bäyläneşle xäbärlär