Süriyӓneñ tön'yağında xozur

Törek qorallı köçlӓre hӓm Bӓysez Süriyӓ Armiyase terrordan çistartqan Süriyӓneñ Fӓrat qalqanı töbӓge ilneñ xozurlı hӓm imin urınına ӓylӓnde.

Töbӓktӓge xalıq sanı könnӓn-kön arta bara, mӓğariftӓn sӓlamӓtlek saqlawğa qadӓr şaqtıy ölkӓdӓ qalqınu dӓwam itӓ.

Törek qorallı köçlӓre hӓm Bӓysez Süriyӓ Armiyase 2016 yılnıñ 24 avgust könne başlatqan “Fӓrat qalqanı xӓrӓkӓte” belӓn Süriyӓneñ tön’yağında 2055 çaqrım2 mӓydannı terrordan çistarttı.

Törkiyӓneñ yӓrdӓme belӓn qorılğan cirle mӓcleslӓr, DEAŞ terror oyışması cimergӓn şӓhӓrlӓrdӓ asqorıma êşçӓnleklӓre, su, êlektr, çistartu hӓm tirӓ-yaq moxitnı tӓrtipkӓ kiterü kebek xezmӓtlӓr başqarıp, terror oyışması êzlӓren zur ülçӓmdӓ beterde.

Oppoziśiya qorğan waqıtlıça xökümӓtkӓ bӓyle cirle mӓcleslӓr ütkӓrgӓn xalıq sanın aluğa kürӓ 2017 yılnıñ noyabr’ ayında töbӓktӓge xalıq sanı urtaça 4,5 tapqırğa arttı. 2018 yılnıñ ğinwarendӓ 5 tapqırğa arttı.

Xӓzerge waqıtta töbӓktӓ million yarım keşe yӓşi. Kire qaytuçılar arta bara.

Bӓşar Ӓsӓd rejimı arqasında öysez qalğan un meñnӓrçӓ keşe ber yılda bu töbӓkkӓ kilep urnaştı.

Xalıqnıñ kire qaytuı, xozur hӓm iminlekneñ urnaştırıluı belӓn sӓwdӓ tormışı da êlekke xӓlenӓ qayttı.

Azӓz hӓm Cӓrablus ta Törkiyӓgӓ açılğan çik buyı qapqaları yӓrdӓmendӓ êlekke könnӓrenӓ qawışa.

Töbӓktӓ 500 tirӓse mӓktӓp tözeklӓnderelep, belem birügӓ ӓzerlӓnde.

Törkiyӓ Cӓrablus ilçӓsendӓ ber köndӓ yaqınça 400 awıruğa xezmӓt kürsӓtӓ aluçı dӓwlӓt xastaxanӓse tözede.

Babda Xikmӓt xastaxanӓse, Azӓz ilçӓsendӓ isӓ Ӓhli xastaxanӓse tözeklӓnderelep, qabat açıldı. Azӓzdӓ ber köndӓ 500 xastağa xezmӓt kürsӓtelӓ.

Yözdӓn artıq mӓçet tözeklӓnderelde, 500 din êşleklese êşlӓrenӓ kire qayttı.