Floridada ağulı suüsemnär ğadättän tış xäl iğ’lan itterde

AQŞnıñ Florida ştatında ağulı suüsemnär balıqlarnıñ ülüenä, yar buyları häm restorannarnıñ yabıluına säbäp buldı, kayber urınnarda ğadättän tış xäl iğ’lan itelde. Bu xaqta Florida gubernatorı Rik Skott belderde. Ul suüsemnärne çistartu yulın êzläwçe belgeçlär öçen 100 meñ dollar östämä byudjet bilgelänüen söyläde. Monnan tış, turistlarnıñ töbäktän yıraq toruı näticäsendä zıyan kürgän cirle oyışmalar häm êş urınnarı öçen dä 500 meñ dollar ayırılğan.

 Skott äytüençä, suüsemnärneñ täêsirenä duçar bulğan 7 töbäk öçen ştatnıñ barlıq çığanaqları berläştereläçäk häm êş urınnarınıñ zarardan çığa aluları öçen quldan kilgän qadär yärdäm kürsäteläçäk.    

Ağulı suüsemnärneñ basıp aluı oktyabr’ ayında uq başlanğan ide. Ul Florida ştatınıñ kön’yaqtan tön’yaqqa taba suzıluçı 240 kilometrlıq yar buyı sızığın yoğıntısı astına aldı.