İdlibtä köçle şartlaw

Süriyäneñ İdlib töbägendäge Särmada rayonında bulğan şartlawda, berençel mäğ’lümatlar buyınça, 32 keşeneñ ğomere özelde, 45e yaralandı.

İdlin grajdannar saqlanu oyışması “Aq beretlar” mödire Mostafa Hac Yusuf beldergänçä, Babül Hava çik qapqasınıñ êlekkege işegaldında tön’yaq Xumustan quılğannar yäşi. Älege cirlektä irtänge säğat’ 4lärdä köçle şartlawlar bula. Näticädä sıyınuçılar yäşi torğan 6 qatlı ike bina cimerelä. Yaqındağı başqa qorılmalar häm maşinalarğa da zıyan kilä.

Êzläw-qotqaru êşläre waqıtında 13 keşene xärabälär astınnan qotqaralar. Barlığı 45 yaralı yaqındağı xastaxanälärgä iltelä.

Qotqaruçılar cimereklär astınnan keşelärne êzläwne däwam itä.

Şartlawnıñ säbäplären açıqlarğa tırışalar.