Germaniyada dawıl häm ğadättän tış köçle yañğırlar

Germaniyada dawıl häm ğadättän tış köçle yañğırlar näticäsendä qayber töbäklärdä ut bette häm yığılğan ağaçlar transport ağımına kirtä buldı.

Leypśig şähärendä cilneñ tizlege 110 kilometrğa citte. Anda 6 meñ keşe êlektr ênergiyäsez qalğan. Frankfurt aêroportında oçqıçlar soñğa qalıp kütärelde. Köçle cildän ayğan ağaçlar Frankfurtnıñ töp timer yul stanśiyäsendä poyızdlar xäräkäteneñ tuqtap toruına säbäpçe buldı. Säfärlär 90 minutqa soñğa qalıp başlandı. Qayber maşina yulları da awğan ağaçlar arqasında yabıldı.

Germaniya meteorologları yaqın könnärdä qayber töbäklärdä köçle dawıl kötelüen belderep, xalıqnı saq bularğa çaqırdı.