AQŞ saylawlarında möselman kandidatlar rekordı

Amerika Quşma Ştatlarında noyabr’ ayında bulaçaq cirle saylawlarda kandidat kürsätelgän möselmannarnıñ sanı rekord yasadı

1028046
AQŞ saylawlarında möselman kandidatlar rekordı

Amerika Quşma Ştatlarında noyabr’ ayında bulaçaq cirle saylawlarda kandidat kürsätelgän möselmannarnıñ sanı rekord yasadı.

Al Jaziranıñ xäbärenä qarağanda, 90nan artıq möselman kandidatnıñ kübese demokrat. Bu san 2001nçe yılnıñ 11nçe sentyabr’ terrorçılıq höcümnärennän birle iñ yuğarı kürsätkeç.

Belgeçlär fikerençä, älege artu Trampnıñ migrantlarğa qarşı söyläşüläreneñ näticäse. Möselmannar, qısular säbäple, üzlären cirle häm ilküläm däräcädä wäkillek itü öçen säyäsätkä omtıldı.

Miçigannan demokratlar isemennän qatnaşuçı 33 yäş’lek Abdul Äl Säyet, ägär bügenge saylaw turınnan uzsa, ilneñ täwge möselman gubernatorı buluğa tağın ber adım yaqınayaçaq.  

Arizona ştatınnan senatqa kandidat bulğan advokat häm keşe xoquqları köräşçese Deedra Abboud häm Vaşingtonda cirle komissiyälär öçen yarışuçı Amr Kotb ta ciñü mömkinlekläre zur bulğan möselman kandidatlar arasında.  



Bäyläneşle xäbärlär