“Tönge bürelär” Slovakiyägä yanıy

Slovakiyä ilbaşı Andrey Kiska älege ildä oyışqan “Tönge bürelär” isemle rus motośiklçılar törkemeneñ qurqınıç tudıruın belderde. Älege törkem Rusiyä däwläte başlığı Vladimir Putinğa yaqınlığı belän dä bilgele.

Kiska beldergänçä, “Tönge bürelär” zararsız motośikl söyüçelär klubı tügel. Törkem başqala Bratislavağa 70 kilometr yıraqlıqtağı Dolna Krupa awılında baza oyıştırğan.

“Bu baza qurqınıçsızlıqqa yanıy,”-di Slovakiya ilbaşı. Ul anı beterü öçen çara kürü kiräklegenä basım yasadı.

Slovakiyä tışqı êşlär ministrlığı süzçese Peter Susko isä, “Tönge bürelär”neñ ğamällären yaqınnan küzätep barırğa kiräklegen söyläde. Anıñ äytüençä, törkem äğ’zalarınıñ tarixnı yañadan yazu niyätläre bar. Susko bu fikerne cäyelderergä mataşularınıñ näticäse naçar bulırğa mömkinlegen belderde.

Klub dip sanaluçı “Tönge bürelär” törkeme - xökümät oyışması tügel. Şuña da räsmi zatlar bu êşkä Rusiyä ilçelegeneñ tıqşına almawın assızıqlıy.

AQŞ, 2014nçe yılda Qırımnı basıp aludan soñ, anda qatnaşqan “Tönge bürelär” isemle motośiklçılar törkeme äğ’zalarına sankśiyälär kertkän ide.